Шымкентте энергетикалық инфрақұрылымды жаңғырту жұмыстары қарқынды жүріп жатыр. ҚР Энергетика вице-министрі Бақытжан Ілияс қала тұрғындарымен кездесуінде газ инфрақұрылымын дамыту, электр және жылумен жабдықтау жүйелерін жетілдіру, сондай-ақ халықты мұнай өнімдері мен сұйытылған газбен қамтамасыз ету шараларын талқылады.
Қаладағы газдандыру деңгейі ел бойынша ең жоғары – 97%, бұл 1,1 млн тұрғынды табиғи газбен қамтамасыз етуге мүмкіндік береді. 2024 жылы 80 мыңнан астам қала тұрғыны газға қосылды, ал 2025 жылы «Жұлдыз», «Жалын» және «Қарабастау» тұрғын алаптарында жұмыстар жалғасып, 13 мыңнан астам адам жаңа екі ауданға газ алады.
Сондай-ақ, Шымкентте қаланы жылумен және электрмен қамтамасыз ету үшін қуаты 500 МВт болатын бу-газ қондырғысының құрылысы жоспарлануда. Кездесу барысында тұрғындар инфрақұрылымды жаңарту мен электрмен қамтамасыз ету мәселелерін көтерді, барлық өтініштер министрлік деңгейінде қарауға алынды.
Вице-министр «Оңтүстік Жарық Транзит» кәсіпорнының диспетчерлік орталығына барып, тәулік бойғы жұмыс, жедел басқару процесі және цифрландыру бойынша атқарылып жатқан жұмыстармен танысты.
Дереккөз: ҚР Энергетика министрлігі