2026 жылғы 1 қаңтардан бастап жұмыс берушінің міндетті зейнетақы жарнасының мөлшерлемесі 2025 жылғы 2,5 пайыздан 3,5 пайызға дейін ұлғаяды.
Қазақстанның Денсаулық сақтау министрлігі медициналық қызметкерлердің кәсіби жауапкершілігін сақтандыру мәселелері бойынша түзетулер әзірлеп, бекітті. Құжатта бұл түзетулер медициналық қызметкерлердің мәртебесін арттыруға, пациенттердің құқықтарын қорғауға және медициналық көмектің сапасын жақсартуға бағытталған.
Медициналық қызметкерлердің кәсіби жауапкершілігін сақтандыру қағидаларына сәйкес, сақтандыру сыйлықақысының мөлшері тиісті жылға арналған ең төменгі есептік көрсеткіштің көлеміне байланысты айқындалады.
2026-2028 жылдарға арналған республикалық бюджет туралы заңына сәйкес, 2026 жылғы 1 қаңтардан бастап айлық есептік көрсеткіш 4 325 теңге мөлшерінде белгіленді.
«Сонымен қатар, Қазақстан Республикасының Әлеуметтік кодексіне сәйкес 2026 жылғы 1 қаңтардан бастап жұмыс берушінің міндетті зейнетақы жарнасының мөлшерлемесі 2025 жылғы 2,5 пайыздан 3,5 пайызға дейін ұлғайтылды», делінген құжатта.
Осыған байланысты ТМККК және МӘМС шеңберінде медициналық қызметтердің құны медициналық қызметкерлердің кәсіби жауапкершілігін сақтандыруға арналған шығыстардың және жұмыс берушінің зейнетақы жарналары мөлшерлемесінің артуын ескере отырып индекстелді.
Сонымен қатар республикалық бюджеттік комиссиясының шешімімен стационар жағдайында көрсетілетін (абдоминалдық хирургия, гастроэнтерология, инфекциялық аурулар, кардиология, ересектер неврологиясы, ересектер нефрологиясы, травматология, эндокринология) ең басым медициналық қызметтер бойынша тарифтерді арттыруға арналған шығыстар мақұлданды.
Бұйрық 2026 жылғы 1 қаңтардан бастап күшіне енеді.