Жаңа оқу жылынан бастап Алматы облысының Талғар ауданындағы мектептер мен колледждерде құқықтық мәдениет сабақтары пилоттық режимде оқытылып жатыр. Пилот шеңберінде 10 мектеп пен үш колледждегі 9 мыңнан астам оқушының әлеуметтік-эмоционалдық ахуалына диагностика жүргізілді.
Зерттеу нәтижелері тәуекелдердің барлық жас топтарында кездесетінін, алайда олардың деңгейі әртүрлі екенін көрсеткен. Ең жоғары осалдық 7–8 сынып оқушыларында байқалды, бұл топтағы эмоционалдық күйзеліс деңгейі 7,11%-ды құрады.
Сонымен қатар 9–10 сыныптарда жағдай біршама жақсырақ екенін көрсеткен, бірақ 7,24% деңгейіндегі эмоционалдық ахуал бұл топқа да арнайы назар қажет екенін анықтады. Ал колледж студенттері арасында әлеуметтік-эмоционалдық тұрақсыздықтың ең жоғары деңгейі 8,69% болып тіркелді. Бұл олардың қосымша психологиялық қолдауды қажет ететінін айқындайды.
«Алынған деректер құқықтық мәдениет сабақтарын жетілдіруге, қолдау шараларын айқындауға және құқықбұзушылықтың, зорлық-зомбылықтың, агрессияның және басқа да тәуекелдердің алдын алуға бағытталған тиімді жүйе құруға негіз болады. Пилоттық жоба мектептер мен колледждерде қауіпсіз әрі қолайлы орта қалыптастыруға ықпал етеді», деп атап өтті Балалардың құқықтарын қорғау комитетінің төрағасы Насымжан Оспанова.
Жасөспірімдерге арналған бағдарлама 36 сабақтан тұрады. Әр жас тобына өмірлік жағдайлар мен құқықтық кейстерге негізделген тоғыз тақырыптық сабақ әзірленген. Олар оқу жылының бірінші және үшінші тоқсандарында екі аптада бір рет өткізіледі.
Дереккөз: Оқу-ағарту министрлігі