Шымкент қаласының полиция департаменті жаңа заманауи дрондармен толықты. Бұл құрылғылар түнгі уақытта құқық бұзушылықтарды анықтау және қоғамдық тәртіпті бақылау үшін пайдаланылады.
Дрондар қуатты жарық шамдары, түнгі түсірілім камералары және дауыс зорайтқыштармен жабдықталған, бұл қараңғы аймақтарды тиімді бақылауға мүмкіндік береді. Дрондарды пайдаланудың арқасында бес күн ішінде жол қозғалысы ережесін бұзу мен қоғамдық орындардағы тәртіп бұзушылықтардан бастап 50-ден астам құқық бұзушылық анықталды.
Сонымен қатар, дрондар құқық бұзушылардың көліктерін қашықтықтан бақылап, полиция экипажы келгенге дейін олардың қозғалысын қадағалай алады. Бұл жүйе түнгі патрульдің тиімділігін арттырып, тұрғындардың қауіпсіздігін қамтамасыз етуге септігін тигізеді.
Дереккөз: ҚР ІІМ
