Қазақстанда 2025 жылдың қараша айындағы айлық инфляция деңгейі 0,8%-ды құрады. Бұл туралы Ұлттық статистика бюросы хабарлады.
Ұлттық статистика бюросының хабарлауынша, азық-түлік тауарлары тобы бойынша бірқатар өнімдердің бағасы, атап айтқанда, қырыққабат – 2,5%, сәбіз – 2%, қызылша – 1,4%, қант – 1,3%, апельсин – 1%, күріш – 0,5% төмендесе, тәтті бұрыш (5,2%), түсті қырыққабат (5,1%), лимон мен шоколад (1,9%), рожки (0,4%) қымбаттаған.
Азық-түлікке жатпайтын тауарлар арасында қуат үнемдейтін шамдардың бағасы 1,7%-ға, елде құрастырылған жаңа автокөліктердің бағасы 1,2%-ға, қазандар 0,8%-ға төмендеді. Смартфондар – 5,4%, кір жуғыш машиналар – 2,5%, төсек-орын жиынтықтары 0,5% қымбаттады.
Қызметтер секторында суық су тарифі 7,1%, су бұру – 6,2%, орталық жылу беру – 4,9%, электр энергиясы 2,7% арзандады. Ал шет тілдерінің курстарының бағасы 2,6%, асханалардағы түскі ас – 1,6%, дәрігерге алғашқы қаралу 0,7% өсті.
Жылдық инфляция 2025 жылғы қарашада 12,4%-ды құрады. Жылдық динамикада қызанақ 8,1%, күріш 6,9%, тәтті бұрыш 1,2% арзандаса, жұмыртқа 3,9%, сарымсақ 3% қымбаттаған.
Азық-түлікке жатпайтын тауарлар бойынша кір кептіргіштер 27,6%, мұздатқыштар 14,6%, үтіктеу тақталары 12% арзандады. Ал ыдыс жуу құралдары 7,7%, қабырға кафелі 6,2%, электросамокаттар 3,6% өсті.
Қызметтер ішінде 2024 жылдың қараша айымен салыстырғанда қоқыс шығару бағасы 8,5%, фотосурет басып шығару 7,5%, туристерге медициналық сақтандыру 4,4% өскен.
Ұлттық статистика бюросының мәліметінше, инфляцияны өлшейтін тұтыну бағалары индексі ай сайын 508 тауар мен қызмет түрі бойынша мониторинг арқылы есептеледі. 2025 жылғы қаңтардан бастап тұтыну себетінің құрылымында азық-түлік – 40,0%, азық-түлік емес тауарлар – 30,3%, қызметтер 29,7%-ды құрайды.
Дереккөз: ҚР Ұлттық статистика бюросы