Үндістанның Ченнаи қаласында өткен Азия мастеркласы чемпионатында (Asia Masters Athletics) еліміз атынан қатысқан Төлеген Қожахметов өз жас санатында керемет нәтижелерге қол жеткізді. 71 жастағы спортшы 400 метрлік қашықтықта – алтын, 200 метрлік қашықтықта және 4×400 метрлік эстафетада – екі күміс, сондай-ақ 100 метрлік қашықтықта және 4×100 метрлік эстафетада – екі қола – бірден бес медаль еншіледі.
Турнир 2025 жылғы 5-9 қараша аралығында Asia Masters Athletics эгидатында және Masters Athletics Federation of India қолдауымен өтті.
Masters Athletics – жоғары деңгейде жарысуын жалғастыратын әуесқойлар мен бұрынғы кәсіби спортшыларды біріктіретін халықаралық қозғалыс. Азия мастерклас чемпионаттары екі жыл сайын өткізіліп, 35 жастан асқан барлық спортшыларды жинайды. Жарыстарда дәстүрлі жеңіл атлетикадағы секілді жүгіру, секіру және лақтыру жаттығулары қамтылған. Алайда мұнда тек нәтижеге ғана емес, ересектер мен қарт адамдар арасында белсенді және салауатты өмір салтын насихаттауға да басымдық беріледі.
