Шығыс Қазақстан облысының Алтай ауданы туризм саласын қарқынды дамытып, Бұқтырма су қоймасының жағалауын жыл бойы жұмыс істейтін демалыс аймағына айналдырып жатыр.
Соңғы екі жылда ауданның демалыс базалары толық тексеруден өтіп, 70 кәсіпкер салықтық есепке алынған. Осы кезеңде көрсетілген туристік қызметтердің көлемі 1,5 есе өсіп, 1 млрд 580 млн теңгені құрады. Аудан бюджетіне 2024 жылы түсімдер 254,9 млн теңге болып, 2023 жылмен салыстырғанда 7 есе артқан (68 млн теңге).
Сонымен қатар өңірде өткен «Altay Invest-2025» халықаралық инвестициялық форумында аудан 61,2 млрд теңге сомасындағы 4 меморандумға қол қойды. Оның ішінде екі су электр станциясының құрылысы (жалпы қуаты 45 МВт) үшін 45 млрд теңге, бір су электр станциясы (15 МВт) үшін 15 млрд теңге, Бұқтырма станциясында демалыс базасын салуға 400 млн теңге, ал «Гранд Фиш» ЖШС-ның Қытайға балық өнімдерін экспорттауына 800 млн теңге инвестиция жоспарланып отыр.
Қазір жазғы жағажай демалысынан бөлек, ауданды қысқы демалыс үшін де қарқынды дайындап жатыр. Мәселен, альпілік стильдегі коттедж қалашықтары бой көтеріп, тауда атпен серуендеу, балық аулау, жаяу жолдар ұйымдастырылған. Сонымен қатар тау шаңғысы трассалары, мұз айдыны және сырғанақтар жұмыс істейтін болады.
Дереккөз: ШҚО әкімдігі
