Қазақстан Үкіметі Ұлттық жекешелендіру кеңсесінің талдау нәтижелері негізінде жекешелендіруге жататын 473 нысанның тізімін бекітті. Бұл шешім кеңсенің 10-шы отырысында жарияланып, онда 2024 жылғы жұмыс қорытындылары мен 2026 жылға арналған негізгі жоспарлар талқыланды.
Ұлттық жекешелендіру кеңсесі мемлекеттік активтерге қолжетімділікті арттыру мақсатында жаңа цифрлық платформаны іске қосты. Платформада мемлекеттік меншік объектілерінің ашық тізбесі орналастырылған, ал бизнес қауымдастық өкілдері өздеріне қызықты активтерге онлайн өтінім бере алады. Бұл рәсім жекешелендіру процесін бизнес бастамасы негізінде жеделдетуге мүмкіндік береді.
2026 жылы Кеңсе экономиканың бірқатар секторлары - IT, әлеуметтік-кәсіпкерлік корпорациялар, геология, мұнайсервис және құрылыс салаларындағы мемлекеттік қатысудың тиімділігін талдайды. Сонымен бірге мемлекет үлесі 50%-дан төмен компаниялардың қызметіне жан-жақты зерттеу жүргізілмек. Барлығы 250-ден астам кәсіпорын қаралады деп жоспарланып отыр.
Алдағы кезеңде мемлекеттік органдармен бірлесіп жол карталарын әзірлеу негізгі басымдықтардың бірі болады. Бұл құжаттар әлеуметтік және стратегиялық маңызы жоғары объектілерді жекешелендірудің барлық аспектілерін қамтиды.
Дереккөз: Бәсекелестікті қорғау агенттігі