2025 жылғы 1 қарашадағы жағдай бойынша Мемлекеттік әлеуметтік сақтандыру қорынан жұмысынан айырылуына байланысты 308,4 мың адам әлеуметтік төлем алды. Оның 268,6 мыңына төлем алғаш рет тағайындалды. Төлемдердің жалпы сомасы – 106,8 млрд теңге.
Қолданыстағы заңнамаға сәйкес жұмыстан босатылған жұмыскерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша төлемдер алуға құқылы. Ол жоғалған кірістің 45%-ына дейінгі мөлшерде әлеуметтік сақтандыру қоры қаражаты есебінен жүргізіледі.
Естеріңізге сала кетейік, МӘСҚ қаражаты есебінен жұмыстан айырылған жағдайда төленетін әлеуметтік төлем жұмыстан шығу себептеріне қарамастан жүзеге асырылады және жұмыссыз адамның жұмыс іздеген кезеңінде қолдау мақсатында төленеді.
