Елімізде жалпы практика дәрігерлерінің учаскелерінде отбасылық қызмет көрсету қағидаты енгізілгелі жалпы практика дәрігерлерімен жасақталу деңгейі 87%-ға, орташа медициналық персонал 81%-ға жеткен. Мұндай деректерді Алматыда өткен форумда ҚР денсаулық сақтау министрі Ақмарал Әлназарова мәлімдеді.
Соңғы бір жарым жылда «Қолжетімді медицина» тұжырымдамасы шеңберінде медициналық-санитариялық алғашқы көмек қызметін ауқымды жаңғырту жүргізілген.
«Алғашқы көмек көрсету сапасына, мамандарды ынталандыруға ерекше назар аударылды. Бұл шаралар пациенттердің қанағаттануын арттыруға және халықтың денсаулық көрсеткіштерін жақсартуға бағытталған», - деп атап өтті министр.
Сонымен қатар, емханада мейіргердің рөлі нығайтылып, қабылдауды өз бетінше жүргізіп, рецепт жазып, консультациялық-диагностикалық қызметтерге жолдама бере алады, жоспарланған қабылдауларды ұйымдастыра алады. Бұл халықты медициналық алғашқы көмекпен қамтуды 60%-дан 80%-ға дейін арттыруға мүмкіндік берген.
Өз бетінше мейіргерлік қабылдауды, «өз бетінше жазуды» енгізудің, диагностикалық іс-шаралардың еселігі мен тізбесін қайта қараудың арқасында динамикалық байқаудың жоспарлылығына баса назар аудара отырып, пациенттің бағыты неғұрлым тиімді құрылған.
Қабылданған шаралардың нәтижесінде динамикалық бақылаумен қамту 38%-ға дейін өсті, бұл созылмалы пациенттерге қатысты тәсілдің жүйелілігінің жоғарылауын көрсетеді.
Дереккөз: ҚР Денсаулық сақтау министрлігі