Биыл өңдеу өнеркәсібі мен агроөнеркәсіптік кешенді дамыту бағдарламасы аясында жеңілдетілген қаржыландыру көлемі жылдық 5% мөлшерлемемен 700 млрд теңгеге дейін межеленген.
Бүгінгі таңда 7,5 мыңнан астам ауыл шаруашылығы тауар өндірушісі 501,5 млрд теңге көлемінде қаржыландырылды, бұл 8,1 млн гектар егістік алқапты қамтиды.
«Даму» кәсіпкерлікті дамыту қоры» АҚ арқылы 232,1 млрд теңге сомасында 1338 несиелік кепілдеме берілді.
Ауыл шаруашылығы техникасын жеңілдетілген лизингке беру үшін лизинг көлемін 450 млрд теңгеге дейін жеткізу көзделген. 2025 жылы қаржыландыру көлемі 250 млрд теңгеге жоспарланды. Қазіргі таңда 220,4 млрд теңгеге 8 635 техника бірлігін жеткізуге шарттар жасалды, оның ішінде 4 мыңнан астам трактор және 664 комбайн бар – бұл жалпы сатып алудың 54%-ын құрайды.
Үшінші бағыт аясында өңдеуші кәсіпорындарды айналым қаражатын толықтыру үшін жеңілдетілген несиелеу тетігі іске асырылуда. 2025 жылы қаржы институттарын тікелей субсидиялау тетігі енгізілді, бұл рәсімдерді қысқартып, несие берілуін жеделдетеді.
«Аграрлық несие корпорациясы» АҚ капитал нарығынан қаражат тартып, ауыл шаруашылығы кәсіпорындарына жылдық мөлшерлемесі 5%-дан аспайтын несие береді. Ал Ауыл шаруашылығы министрлігі қаржы институттарына пайыздық айырмашылықты тікелей өтейді. Қазіргі уақытта жалпы сомасы 57 млрд теңгеге 114 жоба қаржыландырылған.
Сонымен қатар жануар шаруашылығы кәсіпорындары үшін айналым қаражатын толықтыруға арналған жаңа жеңілдетілген несиелеу бағдарламасы іске қосылды. Қаржыландыру көлемі – 50 млрд теңге, жылдық мөлшерлеме – 5%.
Бағдарламаға қатысу үшін кәсіпорындарда кемінде 500 ірі қара немесе 1000 ұсақ мал ұстау қуаттылығы, карантиндік алаңдар, дезбарьерлер, қоршаулар және басқа да өндірістік нысандар болуы қажет.
АӨК саласындағы инвестициялық жобаларды жеңілдетілген несиелеу бағдарламасы аясында (Солтүстік Қазақстан облысының тәжірибесі негізінде) 2023-2024 жылдары 170 жобаны қаржыландыруға 200 млрд теңге қаражат бөлу көзделген. Бүгінде 76 жоба пайдалануға берілді, соның ішінде 52 сүт-тауарлы ферма жалпы қуаттылығы жылына 300 мың тоннадан астам сүт өндіреді.
Қаржыландыру сенім білдірілген оператор арқылы жылдық 2,5% мөлшерлемемен, 10 жылға дейінгі мерзімге және бір жобаға 5 млрд теңгеге дейінгі лимитпен беріледі. Бағдарлама 14 бағытты, атап айтқанда, сүт және бордақылау кешендерін салу, құс етін өндіру, жылыжайлар мен жеміс сақтау қоймаларын құру, балық шаруашылығын дамыту, құрамажем өндірісі және су үнемдеу технологияларын енгізу қамтиды. 2025 жылы бағдарламаға 200 млрд теңге бөлінді, оның 85 млрд теңгесі 65 жаңа жобаны іске асыруға бағытталды.
Дереккөз: ҚР Ауыл шаруашылығы министрлігі