Түріктің Nata Holding компаниясы Алматы облысына инвестиция салуға ниетті.
Бұл туралы Nata Holding компаниясының директорлар кеңесінің төрағасы және негізін қалаушысы Намық Таник Түркияда Алматы облысы әкімінің кеңесшісі Самат Ахилбековпен кездесуінде мәлімдеді.
Кездесуде жаңа қала салу және өңір инфрақұрылымын дамыту мәселелері талқыланды.
«Қазақстан – зор әлеуеті бар ел, ал Алматы облысы ерекше маңызға ие. Біз өңірге келіп, заманауи қала құрылысына үлес қосуға дайынбыз», — деді Намық Таник.
Кездесуде облыстың құрылыс, туризм және логистика салаларындағы жобалары мен мемлекеттік-жекеменшік әріптестік тетіктері таныстырылды.
Айта кетейік, Nata Holding — Түркияның жетекші девелоперлік компанияларының бірі, VEGA брендімен жүзеге асырылған Vega AVM İstanbul (190 мың ш.м.) сияқты жобаларымен танымал.
Дереккөз: Алматы облысы әкімдігі
