Ranking.kz дерегіне сүйенсек, 2025 жылдың қыркүйек айының соңындағы жағдай бойынша Қазақстанның төлем нарығы жаңа рекордтық көрсеткішке жетіп, айналымдағы төлем карталарының саны 83 миллионға дейін өсті.
Соңғы бір жыл ішінде олардың саны шамамен 4 %-ға артып отыр. Ал бес жыл ішінде төлем карталарының көлемі 87,4 %-ға көбейсе, соңғы он жылда бұл көрсеткіш бес есеге жуық өсті.-
Төлем карталары 2017 жылдан бастап күрт тарала бастады. Содан бері тұрақты әрі жедел өсім қалыптасып келеді. Қазір әрбір қазақстандыққа орта есеппен төрт төлем картасынан келеді. Ал он жыл бұрын бұл көрсеткіш бір картаға да жетпейтін.
Өсімнің бұлайша қарқын алуына бірнеше фактор себеп. Атап айтсақ, олар цифрлық қызметтер мен онлайн-сервистердің белсенді дамуы, банктердің мобильді қосымшаларының қаржылық экожүйеге айналуы, банк қызметтерін алу кезінде карталардың міндетті түрде ашылуы6 сондай-ақ цифрлық және виртуалды карталардың кеңінен танымал болуы.
