Өнеркәсіп және құрылыс министрлігі тұрғын үй жағдайларын жақсарту үшін біржолғы зейнетақы төлемдерін пайдалану қағидаларына түзетулер енгізбек.
«Қазақстан Республикасының заңнамасына сәйкес тұрғын үй жағдайларын жақсарту үшін біржолғы зейнетақы төлемдерін пайдалану қағидаларын бекіту туралы» ҚР Индустрия және инфрақұрылымдық даму министрінің 2021 жылғы 21 қаңтардағы № 24 бұйрығына өзгерістер енгізу туралы жоба Ашық НҚА-да жарияланды.
Жобаның мазмұнына сәйкес, қағидалар жеке тұлғалардан - ҚР резиденттерінен БЖЗҚ-дан зейнетақы төлемдері түріндегі кірістен жеке табыс салығын ұстаудан босатуды көздейтін ҚР жаңа Салық кодексінің редакциясына сәйкес өзгертіледі.
Сонымен қатар банктер алдындағы борыштық жүктемені азайту үшін негізгі қарызды өтеу, ай сайынғы төлемді азайту немесе ипотекалық тұрғын үй қарызы бойынша кредит мерзімін қысқартуды көздейді.
Дереккөз: Ашық НҚА
