Шығыс Қазақстан облысында балық шаруашылығы саласындағы жаңа жоба іске қосылады. Өңірде «Самал Тау» серіктестігі жылына 50 тонна өнім өндіретін балық өсіру кешенінің құрылысын бастамақ.
2025–2026 жылдарға жоспарланған жоба шеңберінде балық өсіруге арналған екі ангар, жем қоймасы және бес арнайы тоған салу көзделген. Кешен форель тұқымдарын өсіруге арналады.
Жоба өңірде аталған сала дамуына және отандық балық шаруашылығының әлеуетін нығайтуға серпін бермек.
Дереккөз: Шығыс Қазақстан облысының әкімдігі
