Қазақстанның банктері 2026 жылдың 1 қаңтарынан бастап мемлекеттік кірістер органына жеке және заңды тұлғалардың банктік шоттарының бар-жоғы, ондағы ақша қалдықтары мен қозғалысы туралы ақпаратты беріп отырады.
Атап айтқанда жеке тұлғалардың келесі ақпараты беріледі:
1. Банктік шоттардың бар-жоғы және ондағы ақша қалдығы туралы мәліметтер;
2. Банктік шоттардағы ақша қалдықтары мен қозғалысы туралы мәліметтер;
3. Сыйақыны қоса алғанда, өтеу сомаларын көрсете отырып, активтер мен міндеттемелер туралы, кірістер мен мүлік туралы декларацияларды ұсыну міндеті туындаған жеке тұлғаға берілген кредиттер туралы мәліметтер нысаны;
4. Мемлекеттік кірістер органына тауарлардың электрондық саудасын жүзеге асыратын салық төлеушілерде банктік шоттардың бар-жоғы және олардың нөмірлері туралы, осы шоттардағы ақша қалдықтары мен қозғалысы туралы мәліметтерді ұсыну қағидалары мен мерзімдері;
5. Жеке тұлғаның банктік шоттарында жүргізілетін операцияларды кәсіпкерлік қызметті жүзеге асырудан кіріс алу белгілері бар операцияларға жатқызу өлшемшарттары;
6. Жеке тұлғаның кәсіпкерлік қызметті жүзеге асырудан кіріс алу белгілері бар операцияларды жүргізу анықталған кезеңде банктік шотына өзге жеке тұлғалардан түскен ақшаның жиынтық сомасы жөніндегі мәліметтер нысаны;
7. Екінші деңгейдегі банктердің және банк операцияларының жекелеген түрлерін жүзеге асыратын ұйымдардың жеке тұлғаның кәсіпкерлік қызметті жүзеге асырудан кіріс алу белгілері бар операцияларды жүргізу анықталған банктік шотына өзге жеке тұлғалардан түскен ақшаның жиынтық сомасы жөніндегі мәліметтерді ұсыну қағидалары және тізбесі.
Айта кетейік, Қаржы министрінің бұл бұйрығы 2026 жылғы 1 қаңтардан бастап қолданысқа енгізіледі.
Дереккөз: zan.gov.kz
