Алматы облысында 9 425 бейнабақылау камерасы ЖИ арқылы жұмыс істеп тұр. Олар тұлғаларды тану, қалдырылған қауіпті заттарды анықтау, сондай-ақ адамдардың шоғырлануын анықтау сияқты функционалмен қамтылған.
«Бүгінгі күні облыста республика бойынша алғашқы жасанды интеллект жүйесі – Qonaev AI пилоттық режимде іске қосылған. Жаңа жүйе әкімдіктер мен басқармалардың деректерін біріктіріп, тиісті шешімдер ұсынады», деді облыстық әкімдікте.
Бұдан бөлек облыстың цифрлық трансформация картасы әзірленген. Қазіргі уақытта бұл стратегиялық құжат Жасанды интеллект және цифрлық даму министрлігінде қаралып жатыр.
Айта кетейік, қазіргі уақытта Алматы облысындағы елді мекеннің 95 пайызына кең жолақты интернет қол жетімді. Өңірдегі 373 елді мекеннің 355-і кең жолақты интернетпен қамтылған, оның 352-і мобильді интернетті еркін қолдана алады.
Дереккөз: Алматы облысы әкімдігі
