Қазақстан Республикасының Сауда және интеграция министрлігі 2015 жылдың 27 наурыздағы № 264 «Ішкі сауда қағидаларын бекіту туралы» Қазақстан Республикасы Ұлттық экономика министрінің міндетін атқарушының бұйрығына өзгерістер мен толықтырулар енгізу туралы» бұйрықтың жобасын әзірледі.
Аталған жоба жеке тұлғаларға көлік құралдарын жеке пайдалану үшін лизинг шарты негізінде, оны кейін меншікке сатып алу немесе лизинг берушіге қайтару мүмкіндігімен алу тетігін енгізуге бағытталған. Бұл механизм азаматтар үшін автокөліктердің қолжетімділігін арттыруға, ішкі автолизинг нарығын дамытуға және бәсекелестік ортаны нығайтуға ықпал етеді.
Ұсынылып отырған өзгерістерге сәйкес, лизинг шарты Ішкі сауда қағидаларына 2-қосымшада көзделген үлгілік нысан бойынша жасалатын болады. Сонымен қатар, лизинг беруші үлгілік нысанмен салыстырғанда лизинг алушының жағдайын жақсартатын талаптарды шартқа енгізуге құқылы. Лизингтік қызмет Қазақстан Республикасының азаматтық заңнамасына, «Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы» және «Рұқсаттар және хабарламалар туралы» заңдарына, сондай-ақ өзге де нормативтік құқықтық актілерге сәйкес жүзеге асырылады.
Айта кету керек, бұл ережелер қолданыста болған көлік құралдарына қолданылмайды. Лизинг шартының тараптары өз міндеттемелерін орындамаған жағдайда Қазақстан Республикасының заңнамасына сәйкес жауапты болады.
Бұйрықтың жобасын көпшіліктің талқылауына ұсынылып, «Ашық НҚА» интернет-порталында 2025 жылдың 28 қазан мен 4 қараша аралығында орналастырылды. Сауда және интеграция министрлігі азаматтарды және мүдделі тараптарды жобаға қатысты ұсыныстар мен пікірлерін білдіре отырып, талқылауға белсенді қатысуға шақырады.