Бас прокуратура деректеріне сәйкес, 2025 жылдың 9 айында шамамен 70 мың тексеру тіркелген. Бұл көрсеткіш өткен жылдың сәйкес кезеңімен салыстырғанда 5,6%-ға төмен.
Былтыр бизнес жүргізетін есептердің тізімі 381-ден 192-ге дейін қысқарған. Атап айтқанда, 95 қызмет түрінің ішінде 21 қызмет саласында бизнес есептілігі толықтай алынып тасталды.
«Яғни әрбір бесінші бизнес түрі артық есептіліктен босатылды», ҚР ұлттық экономика вице-министрі Ерлан Сағынаев.
Оның айтуынша, биыл жыл басынан бері мемлекеттік органдар бірлесіп әзірлейтін салалық тәуекелдерді бағалау және басқару жүйелерін бекіту барысында «таза парақтан реттеу» қағидатына сәйкес келмейтін 23 бақылау саласындағы 250 талап алынған.
«Атамекен» ұлттық кәсіпкерлер палатасымен бірлесіп, «Бизнестің цифрлық картасы» ақпараттық жүйесін енгізу бойынша белсенді жұмыс жүріп жатыр. Бұл жүйе бизнеске мемлекеттік және басқа да қызметтерді көрсету кезінде «бір терезе» қағидатын іске асыруға мүмкіндік береді.
Сондай-ақ «EGov Business» мобильді қосымшасының жаңартылған нұсқасы іске қосылды. Қазіргі кезде қосымша арқылы «EGov.kz» порталының шамамен 30 электрондық қызметі, соның ішінде жеке кәсіпкерлер мен заңды тұлғаларды тіркеу функциялары қолжетімді. Биыл ұсынылған қызметтердің жалпы саны 3,6 млн-нан асты, ал пайдаланушылар саны 80 мыңға жуықтаған.
